Ofis blong Pablik Lan Transpot Otoriti i stap mekem sevei ia long olgeta
we oli stap yusum pablik transpot evridei blong go raon long olgeta eria long Efate.
Sevei ia i blong karem tingting blong olgeta kastoma ia long saed blong bas fea we oli
wantem leftemap fea long 150VT i go antap long 200VT
(wan inkris blong 50VT) blong olgeta big man mo woman.
PLTA i mekem olgeta konsaltesen tu blong karem tingting mo ansa long semak
topik ia mo tu toktok face to face wetem olgeta memba blong pablik mo olgeta
ona blong bas long Efate, hemia blong karem tingting blong olgeta long inkris blong
bas fea. Hemi impoten tumas blong yu mas ansarem evri kwesten insaed long sevei ia.
Bambae Minista i mekem faenol desisen afta we PLTA i putum tugeta
olgeta risal mo rekomendesen.